Elgalala Aqua Park

الزيارة كانت يوم ١١ مارس ليوم ١٢ مارس ٢٠٢٢ المكان Eastern El Galala Aqua Park كفيو حلو وظريف لكن رغم محاولات من المديرين انهم يساعدونا وخصوصا استاذة حنان مديرة العلاقات العامة اللي بجد اتشرفت بمعرفتها لانها حاولت كتير اوي تعوضنا عن اللي شفناه وسمعت شكوتنا ودونتها كمان الا ان المكان المفروض انه جديد ورغم ذلك سيء جدا جدا ..الشيء الجيد هو النضافة في المكان والمنظر الطبيعي اللي بتشوفه.. بس هتلاقي كل الناس بتعمل شغل بعض حاجة اخر مهزلة بجد.. لا يوجد تنوع في الأكل وللاسف طعمه مش حلو خالص.. الحاجة المحترمة ان الشيف شافنا متضايقين عملنا اكل مخصوص.. رغم حجزي لغرفة زوجي الا انه لايوجد غطاء لفردين فقط غطاء واحد ورغم اننا طلبنا اخر ماحدش عبرنا وحتى لما بلغت الهاوس كيبنج يجيبلنا اكياس نسكافيه بدل الشاي بعد محايلات بالعافية جايبلي كيسين ولازم كل لحظة تبلغه .. وريحة التلاجة زفرة جدا جدا كان كان فيها سمك ومش بتسقع خالص. الصدا في اماكن كتير في الحمام وقاعدة الحمام مش ثابتة خالص وكانها هتتخلع من الارض..والتكيف صوته عالي بشكل مش طبيعي ..الصيانة عموما في قمة السوء..لمبات محروقة وباب الغرفة كان جزء المفتاح مخلوع من برة يعني اي انسان طبيعي هيلاحظ ده والكهربا بتاعة الابجورات بتلمس وتفضل تنور وتطفي لوحدها!!!!.. لو حاجز هاف بورد مش هتاخد اي نوع مشروبات ولا حتى فيه ديسبنسر للمية يعني لو شرقت وانت بتاكل غالبا هتموت او تحاول وانت بتموت تطلب مية وهتدفع في الازازة الصغيرة ٢٠ جنيه الاول وبعدين تشربها!!! وكوباية العصير اللي طعمها مقرف كلها مية ب ٧٥ جنيه ومش هتعرف الاسعار الا لما تسأل أو تتصدم .. الاسعار في العموم مش طبيعية ماتستاهلش ..شوية سندوتشات حرفيا كانو ٥ سندوتشات وكانزيتين كوكاكولا دفعنا فيهم ٤٨٥ جنيه بالظبط ...مش عارفة بأمانة لو اتغدينا هندفع كام الف وخصوصا ان مافيش مينيو يعرفك الاسعار ايه قبل ماتطلب.. المفروض فيه فوط عشا مش موجوده اصلا ولا حتى مناديل. لو بتفكر تجيب اطفال خلي بالك لان مافيش اطوال لحمام السباحة يعني مش هتعرف عمقه كام الا لما تنزل فيه وكمان ماتروحش في الشتا لان مافهوش حمام سباحة دافيء ..الشتا هيكون تلج ومش هتنزل حمامات سباحة ومش فاهمة ازاي العاب مائية ومافيش حمام سباحة حراري!!.. التلفزيون زفت جدا ولا قنوات مترتبة ولا ريسيفر موجود ولا هتعرف تدور على القنةات اللي انت عاوزها اصلا لايصلح الا لداي يوز في الصيف فقط الا لو هتروح في الشتا مش هتنزل المية تماما لكن لو هتعمل اقامة أيام هتتعب نفسيا جدا جدا.رغم ان المكان لسة جديد وكان لسة بيفتتح يعني مالحقش يتبهدل علشان كل الكوارث دي ..وكمان غالي جدا لاقامة بالمنظر الهزلي ده..مش عارفة لما يشتغلوا بجد هيعملوا ايه ..حتى مافيش يونيفورم هتلاقيهم كلهم لابسين عادي ماتعرفش مين بيشتغل ومين جيست.. الشكر اللي بجد بوجهه لاستاذة حنان اللي بجد حاولت بكل الطرق انها تخلي الاجازة سعيدة بس للاسف ظروف المكان كانت اقوى من مساعداتها..بس حقيقي انسانة محترمة واتشرفت بمعرفتها جدا هيا والشيف اللي في المطعم.. بعتذر انتي اضطريت اكتب كده بس لازم تظبطوا الدنيا بجد علشان حرام الناس تدفع فلوس ف المكان وهوا بالشكل ده.. I won't ever recommend it at all..so expensive for nothing 1.no soap just a very small tinny one for the entire room and you can see the photo added. 2.very bad Electricity,even the place is very new (just two months ago was the opening) not crowdy also so nothing used that much but you can hear a loud voice for AC that you c