فرازر سويتس قوانجتشو

والله من افضل الفنادق اللي أقمت فيها بحياتي من ناحيه تعامل ومرافق ونظافه وأسلوب موظفينهم بروفيشنال ويتكلمون انقلش ويساعدون بشكل خيالي وحصل لي موقف معهم طلعت وفالمطار اتصلو علي أنهم لقوا بالسويت كاميرتي وارسلوها لي للمطار ماقد شفت امانه وحرص مثل كذا حرفيا كانو شايلينا شيل واكييد بكرر التجربه معهم من افضل الفنادق حقيقه خصوصا تعامل الموظفين ومساعدتهم وأمانتهم وسرعة التجاوب شي خيالي حقيقه حتى المطاعم لان ماعندنا رقم صيني مانقدر نطلب جانا موظف وطلب بجواله ورشح لنا مطاعم حلال حتى الحمامات الله يكرمكم فيها نظام شطاف الشي اللي حزني اني جيته بأخر ايام اقامتي تمنيت اني أخذته من بداية الرحلة

الفندق غني عن التعريف الكونسيرج بالدور الارضي والريسبشن بالدور السابع الفندق تحته مول والشارع لحاله متعه فيه اكثر المولات المميزة والمهمه على امتداد الشارع لو رجعت كوانزو راح اكرر السكن فيه الموضوع المهم لكل من يتنقل بالصين لعائلة اكثر من ٦ اشخاص نصيحتي لكم ياتأجروا سيارة خاصة ولابتتورطوا مع DiDi لان اكثر حموله بسياراتهم ٦ اشخاص

الفندق كان نظيف والتعامل كان ممتاز من الجميع وموقع الفندق ممتاز ويوجد عدة مولات حول الفندق

****************** .. أسوف اكتب تقييم و ملاحظات بكل صراحة بدون زيادة او نقصان .. اقامتي في الفندق 18 ليله .. سبب الزيارة ، رحلة عمل معرض كانتون فير .. الفندق طلبنا منه توفير سيارة بالمطار وفرها لنا سيارة حديثة و نظيفة و كبيرة .. في بداية الاستقبال لم يكن جيد طلب منا وضع و دفع تأمين ! اقل شي مبلغ 1000 من عمله الصينية ! رغم ان فندق مدفوع و أصر يأخذ تأمين رغم ابلغنا موظف الاستقبال اي شي نطلبه سوف يتم دفعه كاش ! موقع الفندق استراتيجي ممتاز في وسط كوانزو وفي وسط الاسواق وفي اشهر شارع في كوانزو .. الفندق يحتوي على مول صغير جميل فيه ستاربكس وبعض محلات الجميله .. الفندق امامة مول كله ماركات عالمية شانيل و لوي فيتون و هرمس و رولكس و اغلب ماركات العالمية .. و بنفس الشارع اجمل مولات كوانزو .. الشارع الذي يقع فيه الفندق شارع حيوي و حي و فيه حركه لا تمل منه .. الفندق يبعد عن شارع العرب ٥ كيلو تقريبا ٥ دقايق بالتاكسي ويبعد عن النهر و برج كوانزو و فندق جميرا وحي الراقي ٥ كيلو ٥ دقايق بالسيارة .. الفندق نظيف بنفس الوقت قديم نوعا ما يعني مستهلك الاثاث ! لكن للامانه نظيف الحمام نظيف و الصالة نظيفه و المطبخ نظيف و يهتمون كثيرا في النظافة ، لكن مستهلك .. بوفيه الفندق سيء جدا رغم اني حجزت الشقة مع فطور طيلة اقامتي ، لكن لو يرجع الزمن ما احجز فطور ! فطور بسيط غير متنوع لا يتعدى ١٥ صنف و اغلبها اكل اسيوي و غير حلال ، كنا نفطر كرواسون و بيض فقط ! للاسف ان في ركن الأجبان واضعين معاه لحم خنزير و نفس شوكة مستخدمة للأجبان تستخدم حق مسك و نقل لحم خنزير ! في حمام سباحه و سونا و جاكوزي .. موظفين الفندق محترمين و وودين بشكل عام .. سواء الاستقبال او الي يفتح الباب .. التدخين داخل الفندق ممنوع لذلك تجد أغلبية ساكني الفندق بالخارج يدخنون لان لو دخنت داخل الغرفة صفر جرس الإنذار ! لوبي فندق بسيط جدا جدا لا يتجاوز ١٠٠ متر و يقع في الدور السابع و ليس الارضي .. الفندق لا يستحق ٥ نجوم - كثير عليه ٤ نجوم .. كذلك كانوا يوميا يضعون لنا بالشقة ماء مجانا و سناك عبارة عن بطاطس برنقز و مكسرات مجانية .. لا أفكر بزيارته مجددا او السكن فيه ! با اختصار الفندق جيد ولكن لا يستحق المبلغ المدفوع عليه وفي افضل منه مثل فندق الشيراتون بنفس الشارع .. فندق كان موفر لنا باصات تودينا معرض كانتون فير و ترجعنا .. تقيمي للفندق 6 من 10 حمام فيه شطاف إلكتروني كهربائي .. نسيت اذكر شغله مهمة اول ما وصلنا خزنه كانت خربانه اتصلنا عليهم و صلوحها على طول للامانه ! تبريد الثلاجة سيء جدا وضعنا الخبز والأكل و عفن !

مدري مو مريح النوم فيه ، لكن حلو اذا بتطبخون

جميل وداخل مول جميل ايضا

الموقع متميز ومتصل في مول

فندق ممتاز وفي منطقة راقيه وباقرب جميع المجموعات الفخمة وجميع الموظفين متعاونين