اماكن سياحية في البحرين للعائلات: استمتع بإجازة لا تنسى مع الأهل

إذا ناوي تاخذ أهلك أو عيالك لطلعة غير، البحرين وجهة ممتازة قريبة ومليانة فعاليات تناسب كل أفراد العائلة!👨‍👩‍👧‍👦 من الأماكن الترفيهية للأطفال، للمعالم الثقافية للكبار، إلى المطاعم والمولات، البحرين تقدم لك تجربة عائلية متكاملة وبدون ما تكسر الميزانية.🏝

الهدف من هالمقالة إني أخذكم بجولة شاملة على أحلى الوجهات اللي بتناسب عائلتكم في البحرين، من الأماكن الترفيهية لأماكن التاريخ والثقافة، وحتى نصائح عشان تكون سفرتكم مريحة وما فيها أي تعب. جهزوا الشنط وخلنا ننطلق!📑📝

طرق السفر من السعودية إلى البحرين

أفضل الأماكن السياحية في البحرين للعائلات (مغامرات ما تنمل!)

جهزوا الكاميرات وأجندة الفعاليات، لأن هذي قائمة بأحلى الأماكن اللي لازم تزورونها مع عائلتكم في البحرين:

جنة دلمون المفقودة🌊

• وين المكان؟📍 في منطقة الزلاق، جنوب البحرين.
• ليش تزوره؟📑 هذي أكبر حديقة مائية في البحرين والشرق الأوسط، مساحتها 77,000 متر مربع! مثالية للعوائل اللي يحبون المغامرات المائية والألعاب الممتعة.

الأنشطة:

1. أكثر من 18 منزلق مائي، منها السريعة للكبار والخفيفة للصغار.
2. أحواض سباحة هادية للاسترخاء.
3. ألعاب مائية تفاعلية للأطفال زي سفينة القراصنة.
4. مطاعم وكافيهات تقدم أكل لذيذ تناسب كل الأذواق.

• أسعار التذاكر💸:

1. الكبار: حوالي 15 دينار بحريني.
2. الأطفال (أقل من 1.2 متر): حوالي 10 دينار.
3. مجاني للأطفال أقل من 3 سنوات.

• أوقات العمل⏳: يوميا من 10 صباحا لـ 6 مساءا (تتغير حسب الموسم، فتأكد من الموقع الرسمي).

حديقة واهوو المائية⛲

• وين المكان؟📍 داخل سيتي سنتر البحرين، المنامة.
• ليش تزوره؟📑 أول حديقة مائية داخلية في الشرق الأوسط، يعني تناسب كل الفصول، خصوصًا لو الجو حار برا.

الأنشطة:

1. ألعاب مائية ممتعة زي المنزلقات والأنابيب.
2. منطقة مخصصة للأطفال الصغار مع ألعاب آمنة.
3. فعاليات موسمية زي عروض الشخصيات الكرتونية.
4. قربها من مول سيتي سنتر يعني تقدر تتسوق أو تأكل بعد ما تخلّص.

• أسعار التذاكر💸:

1. الكبار: حوالي 13 دينار.
2. الأطفال: حوالي 8 دينار.

• أوقات العمل⏳: يوميا من 11 صباحا لـ 8 مساءا.

🐾 محمية العرين – مغامرة برية في قلب الصخير

• 📍 وين مكانها؟

في منطقة الصخير، جنوب مملكة البحرين.

• 🦁 ليش تستاهل الزيارة؟

إذا عيالك يحبون الحيوانات والطبيعة، فمحمية العرين بتكون مكانهم المفضل! فيها أكثر من 50 نوع من الحيوانات و90 نوع من الطيور، ممتدة على مساحة 8,000 متر مربع – يعني يوم كامل من الاستكشاف!

• 🎯 وش تقدرون تسوّون هناك؟

1. جولة بالباص تشوفون فيها الغزلان، المها، النعام، وحتى الضباع – تجربة ممتعة وآمنة.
2. منطقة تفاعل للأطفال، يلمسون الحيوانات ويتعرفون عليها من قرب.
3. أنشطة خارجية مثل المشي، التخييم الخفيف، ومراقبة الطيور لمحبي الطبيعة.
4. أماكن أثرية داخل المحمية تضيف نكهة تعليمية حلوة للرحلة.

• 💰 أسعار التذاكر:

1. الكبار: تقريبا 2 دينار بحريني
2. الأطفال: 1 دينار

• 🕘 أوقات العمل:

كل يوم من 9 الصبح إلى 4 العصر (مغلقة يوم الإثنين).

متحف البحرين الوطني: رحلة للماضي العريق في قلب المنامة! 🏛️

• وين المكان؟📍

المتحف بتلقونه في المنامة، يطل مباشرة على ساحل الخليج العربي، يعني موقعه خيال وجوه يرد الروح.

• ليش تزوره؟📑

إذا تبغى تعلم عيالك عن تاريخ البحرين بطريقة ممتعة وما هي مملة، فالمتحف الوطني هو المكان اللي يستاهل العنوه.

الأنشطة اللي تستناك:

1. بتشوفون كل شي عن حضارة دلمون العريقة اللي كانت هنا قبل آلاف السنين.
2. فيه مخطوطات قرآنية نادرة ووثائق تاريخية بتخليك تحس بعمق التاريخ الإسلامي للبحرين.
3. للصغار، فيه أنشطة تعليمية وورش عمل حلوة زي ورش الرسم اللي تونسهم وتخليهم يتعلمون وهم يلعبون.
4. المتحف يطل على البحر، يعني تقدرون تاخذون أحلى صور تذكارية مع إطلالة بحرية ساحرة.

• أسعار التذاكر💰:

1. الكبار: 2 دينار بحريني بس.
2. الأطفال (أقل من 12 سنة): الدخول مجاني، يعني لا تشيلون هم الصغار!

• أوقات العمل⏳:المتحف يفتح أبوابه يوميا من 8 الصبح لين 8 بالليل، بس انتبهوا يقفل يوم الثلاثاء.

🏖️ شاطئ مراسي – متعة البحر في قلب المحرق

• 📍 وين مكانه؟

شاطئ مراسي موجود في جزيرة المحرق – مكان رايق وراقي!

• 🌞 ليش تزوره؟

لأنه شاطئ رملي نظيف ومياه بلون الفيروز، مثالي ليوم عائلي هادئ ومليان نشاط.

• 🎯 وش تسوي هناك؟

1. تسبح وتسترخي تحت الشمس على الرمال البيضاء.
2. تجرب رياضات مائية مثل الكاياك وركوب الأمواج – ممتعة للكبار والصغار.
3. تقعد في كافيه أو مطعم مطل على البحر وتستمتع بالأجواء.
4. تحضر فعاليات موسمية مثل حفلات موسيقية وجلسات حية على الشاطئ.

• 💰 الدخول:

مجاني، بس بعض الأنشطة المائية تكلف (بين 5 إلى 10 دينار على حسب النشاط).

• 🕘 الأوقات:

يفتح يوميا من 9 الصبح إلى 5:30 العصر.

سوق باب البحرين: نبض المنامة القديمة! 🕌

• وين المكان؟📍

هالسوق بتحصله في قلب المنامة، بالضبط في الحي التجاري المركزي، يعني ما يتوهك أبد.

• ليش تزوره؟📑

سوق قديم فيه روح البحرين الأصيلة، مكان يفتح النفس للتسوق وتعيش فيه الجو المحلي اللي ما تلقاه في مكان ثاني. بتشم ريحة البهارات وتسمع صوت الباعة، تجربة ولا أحلى للعائلة كلها.

الأنشطة اللي تستناك:

1. فرصة ذهبية تشترون هدايا تذكارية على كيف كيفكم، من التمور الزينة لين البهارات اللي ترد الروح.
2. لا تفوتون تجربة الأكل الشعبي اللي يفتح النفس، زي الكباب والسمبوسة الحارة اللي يسويها أهل البلد.
3. خذوا أحلى الصور عند باب البحرين القديم، المكان ينطق تاريخ وجمال.
4. وأحيانا، تكون فيه فعاليات ثقافية موسمية تزيد الجو حلاوة ومتعة.
5. أسعار الدخول💰:

الدخول للسوق مجاني، وهذا شي طيب! بس انتبه، الجيب لازم يكون مليان شوي عشان التسوق لأنك بتلقى أشياء تعجبك.

• أوقات العمل⏳:السوق يفتح أبوابه يوميا من 9 الصبح لين 12:30 الظهر، ويرجع يفتح من 4 العصر لين 8 بالليل. أما يوم الجمعة، يمدد الوقت لين 9 بالليل.

حلبة البحرين الدولية🏎

• وين المكان؟📍 الصخير.
• ليش تزوره؟📑 لو عيلتك تحب المغامرات والسرعة، هالمكان بيعجبهم! حلبة الفورمولا 1 الشهيرة تقدم تجارب ممتعة للعوائل.

الأنشطة:

1. سباقات الكارتينج للكبار والأطفال (مضمار مخصص للأطفال).
2. جولات سياحية في الحلبة مع مرشد.
3. فعاليات موسمية زي سباق الجائزة الكبرى. أسعار التذاكر: الكارتينج حوالي 10 دينار لـ 30 دقيقة.

• أوقات العمل⏳: تختلف حسب الفعاليات، فتأكد من الموقع الرسمي.

🍽️ مطاعم عائلية لا تفوتونها

بصراحة😋، مطبخ البحرين فيه نكهة خاصة وله طعم أصيل يفرق عن باقي الدول. لا تفوتكم تجربة 🍗المجبوس، سواء كان دجاج أو لحم، هذا الطبق ملك المائدة البحرينية. و🐐المضروبة بعد، شي يسرسح على القلب ويملأ العين، خصوصا لو كانت على الفحم. ولو تحبون اللحم، القوزي عندهم خيال، لحم ذايب وطعم لا يوصف.

غير هالأطباق الرئيسية، جربوا الريوق البحريني الأصيل اللي فيه كل شي من البلاليط لين البيض والطماط، يفتح النفس! ولا تنسون الحلويات الشعبية زي القيمات والخبيص، بتذوقون حلاوة مو طبيعية.

بتلقون مطاعم شعبية كثيرة تقدم هالأكلات بأسعار طيبة، وبعضها بتكون في أماكن كأنها متحف مصغر، جوها يرد الروح. نصيحة أخوكم: لا تركزون على المطاعم العالمية وبس، ادخلوا المطاعم اللي ريحتها تشهي وتشوفون أهل البلد ياكلون فيها، هناك بتحصلون الطعم الأصيل والجو اللي ما يتكرر. الأكل البحريني تجربة بحد ذاتها!

🛍️ وين تتسوق؟

• سيتي سنتر البحرين: أكبر مول وفيه ألعاب للأطفال ومطاعم كثيرة
• ذا أفينيوز: تجربة فخمة، قريب من البحر، فيه مقاهي تناسب العائلة
• مجمع السيف: مناسب جدا للتسوق مع العيال

نصائح لسفر عائلي مريح في البحرين

عشان تكون سفرتكم ولا أروع، هذي كم نصيحة عملية:

1. أفضل وقت للزيارة📅: الفترة من أكتوبر لين مارس تكون فيها الأجواء خرافية ومناسبة للتمشية والأنشطة الخارجية.
2. التنقلات🚗: لو جايين من السعودية بالسيارة، الموضوع سهل. لو جايين طيران، ممكن تستأجرون سيارة لراحتكم، أو تعتمدون على تطبيقات التوصيل زي كريم (Careem) وأوبر (Uber) أسعارها معقولة.
3. الأكل والمطاعم🍽: البحرين مليانة مطاعم وكل أنواع الأكل، من الأكل الخليجي الأصيل لين المطابخ العالمية. الأكل الحلال متوفر في كل مكان وهذا شي يريح العوائل. جربوا الأكل الشعبي الأصيل زي المجبوس والمضروبة!
4. اللباس🥼: بشكل عام، اللبس في البحرين مريح وعادي، بس لو بتزورون أماكن دينية زي الجوامع، يفضل تلبسون شي محتشم احتراما للمكان.
5. نصيحة جسر الملك فهد (للسعوديين)📌: حاولوا تتجنبون أوقات الذروة زي خميس وجمعة عشان ما تضيعون وقت في الزحمة على الجسر.